Кіраўнік дзяржавы павіншаваў беларусаў з Новым 2025 годам і даў старт пяцігодцы якасці.
Наступная пяцігодка ў Беларусі будзе пяцігодкай якасці, заявіў беларускі прэзідэнт Аляксандр Лукашэнка ў навагоднім звароце да беларускага народа.
"Наш шлях – пераемнасць. Змена пакаленняў завершыцца ў бліжэйшыя гады. Па-беларуску мудра – з апорай на ўсё, што мы шануем і чым ганарымся", - сказаў ён.
Кожны год гэтай пяцігодкі, як растлумачыў кіраўнік дзяржавы, будзе прысвечаны "аднаму важнейшаму напрамку".
2025-ы будзе першым у гэтай пяцігодцы і стане Годам добраўпарадкавання краіны.
"Мэтай добраўпарадкавання нашай Беларусі стане павышэнне якасці жыцця людзей", - адзначыў Лукашэнка.
Лукашэнка падкрэсліў, што хутка грамадзянам Беларусі трэба выбіраць будучыню. На яго думку, усе хочуць, каб яна была паспяховай, шчаслівай і мірнай.
Указ №1 ад 3 студзеня 2025 года "Аб аб'яве 2025 года Годам добраўпарадкавання"
Крыніца: https://bel.sputnik.by/
